2025農曆新年賀歲電影鉅獻《臨時決鬥》，配合熱血主題，胡子彤特別為電影主唱主題曲《Pick Me Up》，而多位演員，包括王丹妮、周秀娜、張文傑、陳湛文、楊詩敏（蝦頭）、喬靖夫、王尹菁及陳獻略亦有一齊Rap歌演繹，古天樂、梁詠琪聲演助陣，作曲、填詞、編曲，監製由蔡皓Johnny Choi一手包辦。
主唱今次電影主題曲《Pick Me Up》的胡子彤表示：「好開心可以演唱與電影有關的歌曲，對上一次是電影《BABY復仇記》的插曲《那時候》，而今次是電影主題曲，所以感到非常開心，加上有其他演員一齊支持我，跟我一齊參與實在非常高興。《Pick Me Up》首歌好輕快，好切合賀歲片檔期俾大家聽，希望大家可以入場支持這部電影《臨時決鬥》，支持這首歌《Pick Me Up》。」
有份參與演唱rap歌部份的王丹妮表示：「今次人生第一次rap歌，發覺原來真係要手舞足蹈先會rap得有力、有feel，所以我自己都好放開咁唱，仲越唱越起勁，希望聽眾都感受到我哋呢首主題曲嘅熱血同力量!」
同是首次到錄音室的錄歌的周秀娜表示：「今次開心可以參與主題曲rap歌部份，以往參與電影都只係拍戲部份，今次係難得嘗試機會，始終自己唔係歌手身份，對於唱歌沒有太大信心，反而今次可以rap一、兩句，同戲的演員可以一齊去錄音，感覺開心，亦不太緊張。」
獻出第一次電影主題曲rap歌的張文傑笑言：「我都係第一次rap歌，我覺得rap歌都幾適合我，下次可以rap多啲，我可以行歌手路線。第一次入錄音室錄歌，唔覺得緊張，就當電影配音唱出嚟，覺得幾好玩。」
