今日是洪永城（Tony）與老婆梁諾妍（Inez）結婚一周年紀念，身在內地拍劇的Tony，先在社交網貼上老婆深宵湊女和愛犬照，感性留言：「你是天使下凡嗎？你嘅好，唔單只係你性格好，而係你管理呢頭家，所有都處理恰到好處，令到我哋有一個好開心嘅家。多謝你呢位天使嚟到呢個家。結婚一周年快樂。既然你管理得咁好，之後頭家都交俾你喇。」
Inez就貼上二人去年的婚照，及B女同Tony開心視像的畫面，留言：「我知道因為我嘅大頭蝦，你變咗個緊張大師；我都知道我嘅大情大性，你無時無刻都會提點我，同我分擔工作上生活上所有種種。由拍拖、到結婚、到家裏多咗兩位小公主Molly同洪寶寶，你對我哋嘅好，我全部都接收晒。聽說過人一生遇到真愛嘅機率係30萬分之一，感激我遇到30萬分之一嘅你，感激路上有你相伴一起同行到老。」Inez續笑謂：「嘩咁肉麻，一年講一次大家就硬着頭皮睇咗佢啦！雖然呢個紙婚我哋要分開過，當然會好掛住，唔緊要，我望住洪寶寶同望住你都係一樣啫！等你返嚟」！
相片來源︰洪永城@Instagram，梁諾妍@Instagram