陳柏宇（Jason）和王嘉儀（Sophy）將於8月舉行音樂會。這是他們第一次合作，Jason表示因為兩人沒有合作過，故只靠聽歌來對Sophy作初步了解，他說：「都係透過Sophy嘅歌曲去初步了解。當知道今次同Sophy合作，即刻上網聽同睇佢出過嘅歌曲，覺得佢係一個對自己音樂好有Style嘅女孩子。」至於Sophy對Jason的印象就是好好先生的個性，她回憶道：「過去都會喺一啲樂壇頒獎禮上見到Jason，好記得有一年佢拎『我最喜愛的男歌手』，致謝辭係叫大家投其他歌手，等大家都可以攞獎，我就覺得呢個人好warm，呢個moment好難忘。」
面對着不同的音樂風格，Jason與Sophy都異口同聲表示今次合作演出，不僅為樂迷，也為自己帶來新鮮感。Jason說：「其實我一直都好喜歡同新嘅音樂人合作，好似之前就同Novel Fergus、Kiri T、Serrini等人合作過，而每次合作都會有新嘅體驗，相信今次都唔例外。」Sophy則笑說Jason連說話也是用丹田：「Jason講嘢都用丹田，好勁！可想而知佢唱歌功力相當深厚，加上佢唱歌有講故事嘅感覺，相信到時我都會沉醉其中。」
相片來源︰陳柏字@Instagram，王嘉儀@Instagram
