黎明的《Talk & Sing 2021紅館演唱會》昨晚（16/07）來到第7場，麥浚龍（Juno）擔任嘉賓，一起合唱《忘記和記》，兩人心有靈犀，同樣以全黑造型示人，非常合襯，Leon說：「我鍾意彩色多啲，你鍾意黑白，估唔到今晚襯咗！」
Juno與Leon的合唱歌《忘記和記》曾於多個流行榜穩坐冠軍寶座，他提及當初邀請Leon合唱這首歌時，仿如經歷了一趟冒險之旅，透露：「我打俾Leon合作之前，我先問Mark（雷頌德），佢立即同我講：『唔得㗎，唔得㗎，你算罷啦！』我諗住機會一半一半，都打俾Leon試吓啦！而你好快答應。每次追求新創作，當中都有冒險成份，好刺激，亦孕育咗我哋嘅合作，我希望唔係只此一次。」Leon解釋：「通常我好爽快，俾我諗一晚。嗰次我真係諗咗一晚就答應，因為真係寫得好好。」
