胡鴻鈞（Hubert）過去一年經常在海外工作，加上疫情下已有三年沒有與香港歌迷會面，對上一次已經是2021年香港演唱會。適逢明天（27日）是Hubert牛一，香港Fans決定聯同海外粉絲，為Hubert慶祝生日，Hubert亦籍此以歌及遊戲，答謝粉絲不離不棄。
過去生日Hubert例必同歌迷慶祝，但疫情三年都冇辦法舉行。今年重回正軌復辦，有香港歌迷外、還有馬來西亞、內地粉絲，個個都花盡心思送禮，其中馬來西亞粉絲聯同美國、德國及日本多地fans錄製歌曲、又有自畫人像、香港歌迷會更以多張大合照做成走馬燈，花盡心思。Hubert笑言今日來自五湖四海的fans，正好讓他彌補過去三年沒見，期待他們可以一次過送回過去三年禮物，「fans好少會寫情信俾我，俾我嘅都係鼓勵說話，送嘅禮物好多都自製禮物，我會特別喜歡，因我喜歡佢哋寫嘅字、佢哋嘅故事。」而Hubert 收過最開心的粉絲禮物，是由他參加比賽開始已經收集相做成的相集。
正日Hubert會同家人食飯慶祝，問到有否被家人催婚， Hubert指自己剛滿18歲，現時應以事業為重，加上媽媽經常埋怨他不準時俾家用，所以他更要努力賺錢，希望可以趕上通脹加家用時又準時給媽媽家用。