黃劍文將於10月22日舉行《Stand By Kimman演唱會》，今日（18日）舉行記者會吸引半百歌迷到場，他亦相當寵粉，即場唱出多首歌曲送給歌迷，引來現場不斷尖叫聲。
他自言自己追夢十六年，參加比賽已經八年，當收到舉行演唱會消息一刻很夢幻，相當感謝一班歌迷支持，「雖然呢八年一度想放棄，幸好遇上《中年好聲音2》，令大家認識我，係你哋俾我嘅力量，令我每個演出都盡力做足一百分。」他表示今次開心，除了可以舉行演唱會外，最值得高興可以與家中兩隻愛貓細粒及Omega一起拍攝宣傳海報，「好開心，Omega平時出街都好多，我會帶佢去沙灘，平時出街都好淡定，雖然拍攝當日都好乖，但因為影相時要不斷抱上身，最後佢都嬲咗我，唔睬我！其實兩隻我都係領養返嚟，因為朋友知我好鍾意豹貓，上網睇資料都睇咗好耐，咁啱朋友屋企隻貓生咗幾隻，就問我有冇興趣養，所以領養咗哥哥返嚟先，隔咗一年之後領養埋細妹，其實養貓之後，每次返屋企望住，即使有壓力都被佢哋溶化，陪伴係真係好開心。」問到會否邀請好友周慧敏擔任演唱會嘉賓，「因為佢而家做緊巡迴演唱會，未有機會問，等佢完成之後會嘗試問吓，我好多謝佢一直都好支持我，叫我不斷去嘗試，之前重邀請我做佢演唱會嘉賓，所以我今日一出場唱第一首歌，都揀咗佢寫俾我嘅歌。」
更多現場圖輯：