由黎芷珊主持的全新節目《芷珊約您》將於今晚（21日）推出，頭炮嘉賓便是已經在樂壇屹立了五十年的溫拿樂隊。
由譚詠麟、鍾鎮濤、陳友、彭健新及葉智強組合而成的五人組合溫拿樂隊，多年在世界各地均累積了不少粉絲，這次芷珊除了直擊五人在澳門的告別巡唱綵排及上台前的關鍵時刻外，還會跟他們到吉隆坡見證其連串告別巡唱宣傳活動，當中包括多個人山人海的粉絲聚會；難得見證如此墟冚盛大場面，芷珊亦把握良機與不少澳門及吉隆坡粉絲做訪問，眾人除了坦言被溫拿千載不變的兄弟情感動外，亦十分欣賞他們對音樂的見證；當中有不少歌迷更是扶老攜幼來到演唱會及宣傳活動現場，足見溫拿音樂力量的影響何等深遠。
為了令觀眾更全方位了解溫拿五子的不同性格，芷珊這集除了有大伙兒圍在一起的熱鬧訪問外，還有個別單對單的專訪，務求聆聽更多他們內心對其他隊員的真實看法；除了傾偈，芷珊亦見證溫拿去到邊食到邊的搞笑時刻，五子之中，最為食的絕對是有「食物焚化爐」之稱的阿倫，每次一完騷或完成工作，阿倫必定第一時間「嗌食嘢」，看到美食開心笑到合不攏嘴，就連開騷前談及整個演唱會最緊張的部分，阿倫亦搞笑指是擔心完騷後沒東西吃。是次六人的喪食之旅發生在吉隆坡，當完成連串宣傳活動，便帶領芷珊去夜市四出覓食，包括即叫即燒美味雞翼、海鮮以及榴槤等；他們更笑言高峰期一日可吃足11餐，陳友笑言：「咪一個鐘頭食一餐咯。」
芷珊與溫拿的話題亦相當多元及到肉，問到溫拿樂隊是否如外界認為的一出道便順風順水，他們即異口同聲強調是捱出來的，其中阿倫作代表說：「我哋都係捱出嚟嘅，我哋早期都係喺酒吧、Disco（唱歌），但我哋對音樂真係有呢份心，我哋一有新歌就會學，學到有貼士添㗎！」陳友即補充：「嗰時嚟香港都係美國嘅水兵，佢哋唔會在意身外物，因為返番去已經唔知聽日會點。」健仔亦附和道：「有啲水兵佢冇錢呀，會除埋隻手錶俾你，然後話:『你彈隻歌俾我聽吖！』」阿倫又大爆當年一首歌的貼士竟可高達三位數，健仔更補充指是美金不是港紙，阿倫聞言即激動追問：「係美金咩？係咪你落咗格？我唔知嘅。」阿倫還大爆健仔當年「賺貼士」超高招心得。
阿倫又爆當年在酒吧唱歌吸引不少名人捧場，當中包括邵逸夫及太太方逸華：「六叔同方小姐坐喺台邊，真係聽咗成個禮拜。原來佢哋揀卒，諗住簽我哋拍戲。」阿倫續指最後因為一個原因拒絕簽約‥‥‥
