萬千星輝頒獎典禮2022｜噴止痛藥揸拐杖撐場 林敏驄：一個二個send啲喊樣過嚟

有傳因踢波受傷而缺席頒獎典禮的林敏驄，終於揸住拐杖都要撐場，與劇中「囡囡」郭柏妍一起接受訪問，他表示：「踢波時被踢中腳踭搞到腫咗，阿囡（郭柏妍）即時打電話俾我，又話要幫我叫車，所以都要出席幫下佢哋，有諗過唔嚟，點知佢哋一個二個見到個post就send啲喊樣過嚟，使唔使咁緊張？」他表示已噴了止痛藥，暫時未有大礙。