軟硬天師葛民輝與林海峰出席連鎖快餐店生日活動，適逢今日（30日）亦是阿葛的58歲生日，笑說就當自己開生日會慶祝。
會上播出二人合作的最新廣告，他們稱90年代已跟該店合作，時間耐過做電台，現在他們都是分開工作，林海峰說：「走埋一齊都係因為『叔叔』，『叔叔』搵我哋就出嚟喇，次次都拍得好開心，唔搵我哋會失落。」問每次拍攝會否勾起很多回憶？葛民輝說：「會！每次好似重聚咁，同移咗民嘅朋友好耐冇見。」
明年可有計劃合作開騷？林海峰表示最重要是場地，他說：「騷唔係自己想就有，最緊要係睇有冇地方，『場紙』最緊要，希望下年有機會攞到，如果冇，羽毛球場嗰啲都可以玩下嘅，足球場聽講就難啲。」問可會考慮在啟德體育園開騷？他笑道：「聽講都要食炒價，我哋唔鼓勵做犯法嘢，我哋依正途，會一早去排隊。」
對於元旦日叱咤頒獎禮舉行，林海峰笑稱自己只是男員工，不是「商台女員工」，沒料可爆，只知道自己做完就走，翌日要開工。問今年是否不會再整蠱MIRROR？他說：「從來都冇整蠱，大家都知道係氣氛，緊張時候讓大家舒緩一下。」
