執筆時，四年一度的世界盃足球盛事已至尾聲，享譽盛名的四大天王都冇乜表現，只有C朗拿度踢了一個精采罰球，四隊球隊全都黯然出局。廣東話真係抵死：「波係圓嘅」，唔係一本通書讀得到老，睇咗好多場波，踢得精采嘅唔係好多，最最扣人心弦嘅反為係日本對比利時嗰一場。冇辦法唔佩服日本人，個個將士用命，前仆後繼，有組織、有戰術、有意志、有體能，响世界第一流球隊面前一啲唔輸蝕。令人更感動的是，輸咗波，全隊球員應該是洩氣皮球一樣沒精打采，死蛇爛鱔那樣什麼也不起勁，但這隊日本波卻在離開居處之前，將房子整理得一塵不染，還原搬進前那樣的條理，這樣的紀律看得令人感動。第二次世界大戰時，日本人瘋狂殺戮令人髮指。我們從小就有着強烈的仇日情緒，國仇家恨揮之不去，打日本仔是心裏第一志願。現在想一想，被欺凌者必定有被欺凌的弱點、被欺凌的本質。正如一個羣體自己不要好，那就容易被人看扁，強者自然地高高在上，為所欲為。當然，強者還有那份潛藏的侵略性、殘暴性和自大狂。
由足球扯到國家民族，又要回到足球了，十幾億人口的大國，竟然打不好一個波，真係慚愧。人家冰島是個只有三十多萬人口的小國，也可以出線世界盃，什麼原因？真係天才知道。睇今日中超足球，倒有一些過氣的二三線球星在充充場，只係呢班走唔起回晒塘嘅老鬼，可能加速窒息中國足球嘅進展，連一些上位嘅機會都俾呢班人霸住啦。
