由王晶監製電影《你嫁咗俾隻鬼?》今日（10日）舉行開鏡拜神儀式，演員林盛斌、梁思浩、莊思敏、李嘉、顏仟汶、解斯童、商楚然、何浩文、張建聲、麥玲玲等出席，由於演員名單原定有蔡潔，但最後臨時取消，王晶表示因對方難以度期，「其實佢只係客串，今次女主角係兩位新晶女郎解斯童及商楚然，不過蔡潔本身有一半合約喺我到，一半喺邵氏，但佢依家入咗劇組，唔可以阻人開工，大家度咗一個禮拜都度唔出期，就唔勉強了，而且恐怖片用大明星都無用，更何況蔡潔可以有幾大？都係我哋做出嚟，其實佢嘅角色都可有可無，所以都唔使換角。」
由於電影今次以恐怖加性感元素，晶哥特別找來兩位新晶女郎解斯童及商楚然演出，兩人同樣表示不擔心性感，因為晶哥一定會保護她們，晶哥表示兩位晶女郎最重要練好廣東話，「商楚然係碩士生，兩位都係北京人，但要練好廣東話，慢慢就會識。（大膽性感？）最緊要性感得嚟好睇，但唔會核突，比較自然，露晒出嚟未必好，其實每個女人都有，係點拍得好睇同有美感，適合套電影。」
更多現場圖輯：
