10年前於首輯《愛．回家》飾演「馬子妮」的蔣家旻，月前劇透將客串《愛．回家之開心速遞》，飾演「送水輝」（許家傑飾）兒子「宋飛立（Philip仔）」（梁禹勤飾）的生母「錢栖」，要同「大小姐」（林淑敏飾）爭Philip仔，蔣家旻於昨晚播出的一集《媽媽回來了》終於登場。
劇情講述昔日是啤酒妹的錢栖，此行回港竟然變得富泰，除入住六星級酒店總統套房外，還跟大小姐鬥錢多，以$5,000萬元「買起」囝囝。自以為勝在錢多的大小姐，估計錢栖開的支票定會彈票，但竟然成功過數，大小姐隨即驚呼：「我賣咗Philip仔」？
蔣家旻今次回歸處境劇，由「馬子妮」變「媽媽」，網民大讚「家旻演媽媽都好自然」、「舊愛回家的小妹妹，經多年磨練，演技大有進步」、「蔣家旻大個咗啦，可以handle到唔同角色」；網民更看得好緊張，「錢解決唔到問題就好有問題！點爭呢個仔呢？！唯有繼續追睇！」、「一家三口唔可以分開㗎」、「大小姐今次真係『人頭豬』」；更有網民憂「係咪想宋飛立退場？」