蕭正楠（阿蕭）與黃翠如向來愛得甜蜜，不時會於社交網貼圖放閃。二人婚後，翠如更多次被傳懷孕，不過因工作關係阿蕭同翠如遲遲未實行生B大計，令唔少朋友都替佢哋緊張，催促他們快快生番個小朋友。
近日，翠如嘅好姊妹吳天瑜榮陞媽咪，佢專程飛往馬來西亞探望閨密以及契仔Danton，翠如喺Instagram寫道：「包包，你知道你搶走了我最好的閨蜜，我的旅遊伴、我的決策隊長。你呀，要好好保護她，知道嗎？」見翠如抱住Danton，笑得非常開心。
而剛喺馬國拍攝節目嘅阿蕭，亦把握機會同Danton玩耍。見佢抱住契仔時父愛盡露，而Danton就眼仔碌碌咁望住佢，阿蕭冧爆地話：「哈哈哈哈哈…契爺係咪好靚仔呀…哈哈哈哈。」好多圈中好友都紛紛留言希望阿蕭同翠如早日生留個小魚腩，姚子羚留言︰「幾有父愛，快啲生番個叫阿lim（曹永廉）做奶媽﹗」阿蕭則搞笑回覆︰「老廉個胸真的可以餵奶﹗」
圖片來源：蕭正楠、黃翠如@Instagram