薛家燕首個英語迷你網劇《選美兄弟班》（RAGS 2 RICHMOND）即將於本周五（6日）於各大社交平台上架，劇集以溫哥華舉辦的第一屆男子選美比賽為背景，描寫有關友誼、野心與娛樂圈秘聞的故事。
家燕姐今次放下一貫的慈母、搞笑形象，挑戰「雙面人」角色，實行演技大爆發。身兼主創人及主演的王梓軒說：「請得家燕姐嚟，我哋唔想浪費咗佢嘅演技，如果再要佢演『慈姑』、『好姨』呢啲角色，可能佢都會好悶，所以我哋諗咗個人前好開心、好歡樂，但係面對啲黑幫大佬又變得好強硬嘅角色俾佢。」家燕姐笑指角色好有型：「我覺得幾好，梓軒想我嘅演繹同平時唔同，對我嚟講係幾特別嘅角色，我好開心。」
除了演技上的挑戰，這次更是家燕姐首次以英語對白拍攝，她說：「好彩有梓軒提示我，要邊演邊記住啲英文對白，我覺得幾好玩。初初我以為網劇簡單啲、輕鬆啲，但係佢哋拍到好似電影咁，做嘢好嚴謹，感覺非常之好，我都學到好多嘢。」家燕姐感謝劇組台前幕後對她照顧有加，整個拍攝過程很順利，笑指雖然現在溫哥華啲天氣較寒冷，但她我覺得大家對她很好很溫暖，並大讚同劇演員鍾麗緹女兒Yasmine（嚴書琴）靚女又好戲。
