蘇志威（阿細）與劉小慧1997年結婚，二人育有兩名女兒君蕎（Yumi）和靖珺（Ina），一家四口幸福美滿。而愛心爆棚的阿細，家中還養了三隻狗和兩隻貓，當中包括藏獒「Coolman」，以及擁有獒犬血統的高卡索犬「Bear Bear」，雖然他曾被愛犬噬傷，仍視狗狗如已出，對牠們不離不棄。
阿細昨日在社交網貼出與老婆攬着Bear Bear的照片，表示愛犬迎來11歲生日，「仲記得第一次見到佢嘅畫面，就好似一隻熊啤啤咁好細隻，好得意，但唔經唔覺原來已經11年了。」他又指Bear Bear的體形龐大卻十分黐身，「咪睇佢11歲，佢仲成日覺得自己仲係bb咁，鍾意『挨身挨勢』！Bear Bear，爸爸媽媽係度祝你生日快樂，瞓得舒服食得開心，最緊要身體健康，陪我哋努力去跑下山！Love U ! 」
圖片來源：蘇志威@Instagram