去年是梅艷芳逝世20周年，為紀念梅姐對香港樂壇及影壇方面的貢獻，香港文化博物館舉行「絕代芳華．梅艷芳」展覽。梅姐的徒弟許志安、蘇永康、杜德偉昨日（26日）均有到場參觀，而有份公開舞台服展品的劉培基，亦有一同現身。
展覽擺放了梅姐過往的唱片、舞台服飾、電影及流行文化產物等，緬懷她在音樂和電影方面的超卓成就，以及回顧她對香港流行文化的貢獻。參觀過後，蘇永康接受訪問時說：「阿姐佢係由八十年代直至佢臨終前，都係俾一啲頂尖嘅朋友包圍住，呢啲界別分別有音樂、舞台、電影、優秀嘅導演、美術指導，喜歡美術嘅朋友，呢一課好值得上，花兩三個小時，你會睇到梅姐一生好光輝嘅時刻。」
許志安說：「我覺得好多回憶返咗嚟，好有福氣可以識到梅艷芳，佢嘅態度、判斷、努力，對我嚟講都係好深刻。記得我曾經問佢：『其實你係點樣學舞？』，佢話俾我聽屋企有一塊鏡，你只要一日24小時播住歌，然後對住塊鏡，你就會做到一啲你好有信心嘅動作出嚟。如果你問我下一代可以係梅艷芳當中學到啲咩，除咗才華之外，其實係睇到香港嘅精神，佢係一個好好嘅典範。」