嫁到加拿大溫哥華的袁彩雲，暑假跟老公及女兒回港，見見朋友，今日陳敏之在社交平台就上載了數張相片，寫下：「十幾二十年的友誼，昨晚因為彩雲回來，大家可以一齊重聚，仲好難得有下場，一起夜蒲，大家都好開心！希望大家保持年青，多啲再聚。」
相中人個個都是九十年代在無綫拍劇的柏檔，大家都識於微時，有唐文龍、黃𨥈瑩、向海嵐、劉曉彤、車婉婉、王賢誌及陳彥行，好友相聚，大家影合照時都俾下心心同搞吓鬼，楊茜堯見到甫士留言「嘩！下次見埋我」，陳敏芝回覆「收到，一定叫你姊妹」。網民見到好耐冇出現幕前的一班人，「嘩！有黃𨥈熒」、「仲有文龍哥」、「都說難得一聚一定好心」，真係全部都係回憶殺！