袁澧林（Angela）早前為日本歌手Vaundy的歌曲《Tokimeki》拍攝MV，歌曲一年前推出至今，在網上平台的點播次數已超越1,100萬！今次更特別邀請Angela為歌曲正式拍攝MV，並找來曾拍攝電影《吉娃娃羅曼死》的新銳導演二宮健執導，充滿視覺衝擊。今次MV注入童話故事《綠野仙蹤》的元素，講述Angela在睡夢中以桃樂絲的形象進入了異國，為求贏得跳舞比賽得到夢想成真回到現實世界的機會，與稻草人、錫樵夫、膽小獅子一起努力練習跳舞，最後贏了西國魔女並得到魔法銀鞋順利返回媽媽身邊。
這次拍攝秘密進行，Angela還提前找排舞老師學跳舞。她表示：「我最擔心跳舞部分，因為跳舞比賽係整個故事最重要一環，如果桃樂絲要返屋企同媽媽團聚嘅話，就需要喺呢場比賽中勝出。我本身並唔係專業舞蹈員，所以都花咗好多時間練習，亦好感激排舞老師教導，最後用一個開心嘅能量去彌補跳舞技巧上嘅不足。」
Angela還表示：「今次可以參與Vaundy嘅MV拍攝，實在非常榮幸同興奮，亦都好鍾意整個製作。MV都好好睇，尤其係由小松菜奈主演嘅《踴り子》，自己睇咗好多次。希望大家都喜歡今次呢個MV，同埋可以帶俾大家能量同歡樂啦！」