近日有一名KOL與網民大玩你問我答，有網民問到：「Coffee從良之後，係咪無嘢聽？」該名KOL就爆料表示︰「咩叫從良後，有嘢聽啦緊（梗）係。」其後，再貼文大爆有KOL婚後去偷食及出席富豪飯局。該名KOL為花店老闆Sean，雖然他並沒有指名道姓，但對方講的「Coffee」及咖啡emoji，令不少網民聯想到是影射「瑜珈界」KOL林芊妤（Coffee）。
現時身處曼谷旅行的Coffee留意到該名KOL的言論，即爆seed激動澄清：「去旅行應該心情好好，無啦啦俾人影響，原來人只要有把口就講乜都得，咁樣一句說話，就抹煞咗我咁多年嘅努力，一朝頭早嬲到成個人醒咗，其實我真係好忙，要照顧家庭又要工作又要打理生意，估唔到我而家竟然要花呢啲時間，喺度澄清呢啲無謂嘅流言，但我知道如果我唔講嘢，呢個人只會越嚟越過分，我相信呢個世界係有報應，我希望我唔識嘅呢個人，會得到佢應有嘅教訓。」
Coffee又指網上亂講不用負責任：「原來網上講嘢真係冇責任，我而家想寄封誹謗嘅信俾佢都唔知寄去邊？啱啱聽我群組嘅人講原來佢喺日本，所以佢講過唔怕人對付佢，咁係咪即係做縮頭烏龜可以唔使負責任？」
相片來源：林芊妤@Instagram
