許家傑認錯要自我檢討　王君馨自資出歌唔講錢

許家傑與王君馨齊出席活動。

許家傑及王君馨今日出席《WDSF 霹靂舞世界系列賽–香港 2023》記者會，許家傑早前被拍下在粉嶺寓所附近駕駛電動滑板車，他認錯之餘更自我檢討，「我真係唔係玩，只係代步，但唔知係咪違規，都要自己認真檢討下，喺度同大家講聲唔好意思，因為我攞車比較遠，日後都會諗下點樣可以方便到自己，又唔影響到其他人。」

許家傑謂唔知開電動滑板車是否違規。

王君馨表示下月將推出兩首新歌，都會跟外地歌手合作，但詳情稍後再公布，「香港人會少睇到呢種合作，所以都會有少少驚喜，今次都係自資，（投資幾錢？）唔講錢，因為一講錢就追唔到夢，所以只可靠出席活動同拍廣告賺回本，但開心這兩年在音樂路上都找到自己的方向，明年會專心做音樂。」她說自己向來對MV要求很高，所以正考慮今次推出新歌會唔會拍MV。

王君馨下月將推出兩首新歌。