MIRROR今年4月入梅窩拍攝ViuTV節目《調教你MIRROR》，發生疑似姜濤鬧「私追」粉絲事件，亦有網民聲稱身處現場，話聽到有人部署反戲弄「私追」粉絲。姜濤同經理人黃慧君（花姐）於事後喺Instagram解釋後先平息到呢彭場誤會。
《調教你MIRROR》最新一集就還原咗「姜濤鬧粉絲事件」來龍去脈。節目入面有「私追」粉絲喺拍攝現場嘅出現，MIRROR一由營地行出嚟就開始跟到實。之後愈來愈多粉絲追到去梅窩，一日之間粉絲人數由數人增加至50人左右，甚至喺MIRROR同梁祖堯拍攝嘅酒吧逗留。搞到MIRROR要留係酒吧，部分戶外拍攝項目因為咁而取消，嚴重影響拍攝進度。
點擊即睇私追有幾誇︰
經過MIRROR同梁祖堯討論之後，副隊長Anson Kong（江𤒹生，AK）認為由佢哋叫粉絲離開，12人一致同意，覺得由隊長Lokman（楊樂文）、副隊長AK同「梅窩隊長」姜濤係最適合人選勸粉絲離開。 最後MIRROR所有成員一齊行出酒吧勸粉絲離開，希望粉絲俾多啲空間佢哋。
節目入面，姜濤同梁祖堯傾過「私追事件」，姜濤直言出道以嚟，私追問題係造成內部矛盾嘅其中一個原因，認為今次同「私追」粉絲直接對話係一件大事。姜濤又指私追問題，令MIRROR成員有懷疑過對方，但經過今次「私追事件」，證明MIRROR 12子係同一條心，好開心大家都好團結。
圖片來源︰ViuTV、MIRROR、姜濤、梁祖堯@Faceboo、Instagram
