無綫全新飲食節目《請客必食18道菜》於明晚（16日）開始，節目由黎耀祥（祥仔）擔任主持，每集聯同嘉賓主持，包括擅長炮製懷舊功夫菜的李家鼎（鼎爺）、近年人氣急升的「星級名廚」黃亞保（保哥）、「本地名廚」周世韜等推介特色名菜，最後兩集更會有曾志偉、薛家燕、何廣沛、龔嘉欣等識飲識食藝人與祥仔聚首齊齊「食好西」。
除介紹宴客菜，祥仔還到了地道餐廳品嚐「黃金臘味粒煲仔飯」、「啫啫通菜梗」等傳統家常菜，又介紹了荳腐花、港式點心及「細蓉」雲吞麵等傳統港式美食，更會邊食邊分享各款美食背後小故事。除了講飲講食，祥仔更會一展「驚人」廚藝，走入各大餐廳廚房與名廚切磋之餘，還會與保哥合璧教煮簡單家庭宴客菜；搞笑的是，祥哥幫保哥炮製脆皮煎腩仔期間，竟化身網絡紅人「灑鹽哥」以獨特撒鹽手勢狂落椒鹽，嚇到保哥急急大叫「好鹹」。
向來感性的祥仔，亦分享了不少珍貴的童年回憶，其間走訪充滿老香港風味的平民荳品店時，便憶起了小時候與母親的種種回憶：「因為我最細，我阿媽以前成日帶住我喺身邊，有時晏晝經過豆腐鋪會陪我飲杯荳漿，食碗荳腐花咁！」另外祥仔於開業超過50年、主打好山好水環境及人情味的川龍茶樓大歎雞球大包、叉燒包、鵪鶉蛋燒賣等舊式點心時，又分享了兒時跟爸爸飲茶的難忘回憶：「細個好難得去飲茶，通常我爸爸放假會帶晒一家人去飲茶，當時飲茶對我哋嚟講係好大件事。」值得一提的是，除了「影帝」周潤發（發哥）經常光顧川龍、就連「韓國廚神」白種元也曾冒名朝聖。祥仔歎茶期間亦盡顯親民一面，除了親力親為沖茶、攞點心外，更與茶客閒話家常。
