謝安琪（Kay）最近完成拍攝ViuTV劇《法與情》，難得有時間抖抖，昨天（3日）到了髮型屋將一把長髮剪短。Kay在IG上載了剪髮片段，可見髮型師一邊剪髮，Kay就一臉期待！完成後，她擺出「Yeah」的手勢，十足大細路，更在貼文留言：「我喜歡自己的新髮型呀」！
今天（4日）Kay貼了一張早上剛起牀的照片，並留言：「朝頭早起身都冇變成撒亞人，用手仔摔兩摔就可以出門口，正正子！」不過似乎大家都被Kay的素顏Look所吸引，傅珮嘉留言：「呢位小姐你係邊間U嘅學生？」網民亦表示：「呢個短髮好睇」、「好靚呀」、「好襯你啊」、「不論長短都係咁靚女」、「素顏！」。
相片來源：謝安琪@Instagram
