現年38歲的謝東閔（Brian）於2010年參加歌唱節目《超級巨聲2》奪得第四名入行，他頗受無綫重視，效力公司14年以拍攝劇集為主，曾多次飾演劇集要角包括《刑偵日記》、《智能愛人》、《殺手》、《香港愛情故事》，亦曾推出劇集歌曲。Brian今年初在劇集《本尊就位》首次擔正做男主角飾演呂洞賓一角，表現亮眼。然而，Brian近一年多都未有再有拍劇，今日（3日）凌晨12點左右，他突然在IG社交平台宣布離巢。
Brian在IG上貼出一張在TVB外的自拍照，以及與TVB藝人的黑白合照，並寫道：「14年絕對唔係一個短嘅時間，多謝呢間公司令到我由一個小朋友變成一個大人，認識咗好多好好嘅朋友，正所謂天下無不散之筵席，係今日時候要說再見，好多謝所有呢間公司曾經俾個機會我嘅台前幕後工作人員，希望將來再見。」
Brian透露即將踏入40歲，感覺像到了樽頸位，自己想繼續在音樂方面作更多嘗試。一年前，Brian與吳業坤合資開辦了音樂學校，他希望在經濟不景下仍能守住，又表示之後或者會自資出歌。
不少網民及圈中好友均留言祝福Brian，例如姚子羚指：「All the best to u」龔嘉欣留言：「All the best !!!」袁偉豪表示：「離開tvb 姐唔洗黑白嘅，bro -路順風。」 林子善笑言：「下次見到你俾我冚兩巴點解冇我張相」，陳展鵬說：「一定有機會再合作」，江嘉敏則說：「 繼續教我唱歌啊，老師！」而早前亦宣布離巢的「東張女神」利穎怡亦留言：「江湖見」。
另外，Brian的女友朱智賢去年9月底宣布離巢TVB，現時轉型做KOL，同時參與不少節目的幕前主持工作。兩人拍拖7年一度被以為好事近，不過他們都即時否認。