早前離開TVB回復自由身的譚偉權（Gary），最近以個人名義舉辦音樂會，音樂會主題為《Redolence》，希望向他的偶像哥哥張國榮敬致。除了自己獻聲外，更邀請了杜以辰、黃進林及Ashia擔任嘉賓。
完騷後，Gary透露音樂會以《Redolence》命名是因為該字可解作「氣味芬芳的回憶」，令大家可以回想起哥哥，而當中的「Red」指好有代表性，亦會令人聯想到哥哥。
Gary在IG發表騷後感言，他寫上︰「首先我要感謝主，同埋多謝哥哥保佑。昨晚冇落雨，令到個音樂聚會順利地完成。因為下晝嘅時候落過雨，所以令到台上音響燈光設備都要重新再set up過。未開始rehearsal之前，都發生咗小插曲，好彩工作人員好快解決到問題。雖然最後嘅綵排時間唔多，昨晚台前幕後都全力以赴，用心去做咗一個又溫馨又熱鬧嘅音樂聚會。最開心係見到在場咁多位觀眾朋友嘅投入，同埋你哋嘅反應非常之好，令到我哋台上嘅表演者更加落力演出！」