38歲賴慰玲2周前才挺着巨肚現身為新劇《奔跑吧！勇敢的女人們》宣傳，今日（13日）已宣布卸貨。她在社交網曬出抱B照，並由哥哥幫弟弟改英文名叫Kavis。
賴慰玲表示生B過程充滿驚喜：「最終可以聽到BB出世嘅喊聲，原來真係唔容易，我喊到護士問我係咪有咩唔舒服。今日我先生生日，呢份生日禮物唔錯呱，繼續一齊努力做父母，繼續Happy Wife Happy Life。」
賴慰玲笑指「我又患上咗我個BB最得意症啦」：「初生bb真係好可愛，淨係好想望住佢，細龍，趕得切逗利市，哥哥期待已久的弟弟。」賴慰玲與老公梁子峰2017年誕下大仔Marat，去年8月宣布懷上第2胎，都是佗男嬰。
