Winki昨晚（2日）在社交網貼上劇中二人靠AI扮回年輕的劇照，並公開了20年前他們真．年輕的合照，原來二人20年前因合作舞台劇結緣，阿蕭更透過一包薯片釋出了「暖男本色」。Winki留言：「成個故事由20年前開始講起，係真係20年前。我細細個就有幸同Edwin哥哥一齊演出舞台劇，Edwin哥哥當年做嘅鐵郎博士令人印象深刻。仲記得當年演出期間係我會考放榜，好似有科唔合格，我有啲唔開心，Edwin哥哥就請我食咗包薯片，簡直係關心後輩嘅典範！
「相隔20年，有機會同Edwin哥哥再次合作，一齊再演活返20年前嘅自己，見到Edwin哥哥將角色演得如此油膩有趣，實在令後輩大開眼界！」並Hashtag「#呢個年紀要再做返學生真係有啲唔好意思 #好彩而家有AI幫手 #真假20年前 #以前傾食咩薯片 #而家傾懷孕育兒」；阿蕭回應Winki帖文，留言：「一個在樂壇，一個在舞台，結果在電視再相遇，緣份」。
