趙希洛（Candice）最近在劇集《十八年後的終極告白2.0》中表現出色，她早前接受娛樂新聞節目《星光路上》專訪，分享入行14年來苦與樂。自2007年從英國返港參選港姐入行，因中文不太好，帶來壓力，其後於《八卦神探》、《實習天使》、《金宵大廈》等劇集飾演瘋癲角色令演技獲得肯定，更被封為「御用癲婆」。當中拍攝《實習天使》最令Candice印象深刻，為了加強角色的癡戀程度，她主動提議加戲，吻蔣志光，她說：「同導演講完之後，佢叫我同蔣老師講，之後我再問蔣老師得唔得，佢呆咗幾秒望住我，之後話好吖，好彩出到嚟效果幾好，好開心大家接受，最緊要蔣老師肯相信我。」
之後Candice因在《金宵大廈》演活憶子成狂的何太，於《萬千星輝頒獎典禮2019》中奪得「最佳女配角」。獲獎本是開心事，可惜Candice的努力仍得不到爸爸100%支持及認同，她說：「爸爸淨係講咗句Good job，之後再講咗句：『咪都係主角隔籬嗰個啫』，打擊好大！」Candice說畢，對着鏡頭跟家人說：「你哋等多陣，等多陣就得㗎喇，OK？」似乎已下定決心要在事業方面做得更好。愛情方面，Candice坦言與男友感情穩定，但現階段不急於結婚，說：「等事業有成先啦，生小朋友就睇緣份，呢啲嘢冇得強求。」