車婉婉與澳洲籍老公Jonathon的混血囝囝BBQ入讀港島傳統名校聖若瑟小學，今個學期升讀小二。去年剛升上小一的BBQ，在參加學校的水運會即奪下銅牌，盡得任職游泳教練的爸爸真傳，今年第二次出賽，BBQ拿了第四名依然開心，婉婉更在泳池外捱熱等候囝囝半日幾乎中暑，隔住玻璃用手機捕捉囝囝比賽英姿，獲讚貼地媽媽。
婉婉在社交網曬照留言：「第二次參加學校的水運會，BBQ先生拿了第四名，都有奬牌鼓勵，他十分之開心。Q MaMa今次亦『陪太子游水』，在游泳池外守候了半日，其實，我都差啲中暑！但係，見到D（啲）小朋友好開心，我又真係好開心，佢哋好盡力咁完成賽事，真係令我好感動。
「我們都要知道，練習，才能有進步，投放的時間，都不會是白費的。在這𥚃，我想恭喜所有得獎的同學仔，仲有所有參加比賽的，你哋都好叻叻，仲有所有BaBa MaMa嘅付出，真係辛苦晒。大家都要繼續努力呀！」
婉婉早前驚爆BBQ出世時曾有心臟問題，在BBQ出世7日回醫院檢查時，發覺BBQ心臟有個洞，醫生解釋給她知可以影響到囝囝飲不到奶，她隨即爆喊，醫生安慰她說要小心觀察囝囝飲奶和生長若沒問題，就不用做手術，她惟有「盡力而為」，所有事情做到足做到好，幸好BBQ食得又長肉，最終不用做手術，令婉婉欣慰說：「佢係不幸中好彩嗰個。」
