早餐KOL張敬軒之前分享遮遮煮嘅特式早餐為粉絲帶來不少歡樂，張敬軒媽媽見到覺得唔對路，試過出口教遮遮煮早餐，點知都係同軒仔所想事與願違。至近日，軒媽返港後，終於親自出手為軒仔整早餐，呢份「石屎早晨全餐」更被軒仔大讚突破遮遮高度。
張敬軒：「喱兜好似石屎咁嘅嘢係我今朝嘅早餐，查實我條命是咪五行缺飯，同老母年幾冇見，諗住佢老人家嚟咗我應該可以有新嘅開始⋯⋯話說佢係我早餐關注組召集人，成日都問我早餐食乜。到埗第一日，更揚言要我過返啲正常生活……我冇異議，呢一切其實都係我日常嘅正常。正所謂天有不測風雲，我冇諗過一舊風雲過後，原來仲有另外一舊。本期介紹張公館特製，唔知石屎定溶岩瓊咗十足月球表面早晨全餐。」
睇更多遮遮精選早餐
圖片來源：張敬軒＠Instagram