朱敏瀚在無綫劇集《輕.功》飾演黎耀祥兒子翊風,因女友Chloe懷孕,決心努力搵錢。昨晚播出他兼職做裸模,除了被一班女士眼甘甘望住畫畫,初戀女友Yuki(朱晨麗飾)更對住全裸的他大送直豎拇指手勢,場面搞笑。朱仔受訪時自爆:「嗰場戲除咗著咗一條底褲,外面再加咗條肉色底褲,因為近呢幾年都習慣咗拍除衫戲,所以都冇話尷唔尷尬。」朱仔續指對當時的身形不太滿意:「拍攝時係疫情最嚴重嗰時,所有健身室都閂晒,只可以喺屋企用僅餘嘅器材去操,雖然離我滿意嘅狀態都有啲距離,但For翊風呢個角色係足夠嘅,都見得吓人。」