平時青靚白淨的譚偉權(Gary哥哥)喺無綫劇集《失憶24小時》中飾演的炎星（揦鮓星）造型污糟邋遢，是個經常不洗澡，身上有一股臭腳味的人，為了令形象更具說服力，Gary哥哥將自己搞到油頭垢面，認真犠牲色相，他說：「每次開工前化妝師都會俾枝類似baby oil的油我搽頭，為咗令塊面睇落去好多汗，我自己會先塗一層蘆薈cream再噴水，基本上拍完部戲啲頭髮同塊面係靚咗，不過棚牙就傷囉！」原來Gary哥哥為了整到滿口有啡啡黃黃的煙屎牙．特別用了一些特別的化妝顏料油牙。「顏料塗在牙上會甩色，所以拍戲時不段要補色，而最大的問題是落妝時一定要用很多火酒，所以棚牙同牙肉都會好傷，拍完部戲都幾個月，我覺得都未復元。」
Gary哥哥今次同郭晉安合作被指撞樣，角色造型又夠特別，多咗人留意到呢個有演技有顏值的演員，辛苦啲都係值得嘅。
圖片來源：myTV SUPER