鄧兆尊日前現身香港明星足球隊操練，被譚詠麟笑指是「稀客」，並獲校長特訓他熱身的片段。被封為「億萬星二代」的兆尊，昨晚（18日）以嘉賓身份亮相吳家樂與江美儀主持的網上頻道節目，原來一切都是家樂的鋪排，上周在節目說請兆尊來作客，當日是家樂致電兆尊叫來球場有偈傾，並由家樂揸機拍下片段放上網。
家樂稱兆尊做「大少」，二人當年在加拿大是同學，但不是在學校認識，而是在波樓，兆尊打桌球，家樂負責計分，既消磨時間，又可以嗌嘢食。當年大家只有十多歲，這班朋友一直聯絡至今，反而入行後，他們沒有試過合作拍劇。
兆尊現同時有三位紅顏知己，就有網民留言要求兆尊「包養」作為話題，被問於《皆大歡喜》中與陳彥行演熒情侶獲讚超正，現實中有否求過行姐？兆尊爽快回答：「坦白講冇追過。（咁你追過邊個呀？）冇，一個都冇追過，藝員同事冇一個追過。（佢有冇追你？）有少少嘅。」兆尊表示當年拍《皆》劇時行姐曾經嬲過他：「因為我同佢做夫妻，但係現實上我冇同佢做到夫妻，佢就嬲我啦！（點解你唔接受佢呢？）我唔係唔接受佢，我知係好女仔嚟㗎嘛，睇落去有樣有身材，佢人又傻傻地，好難得，只不過，嗰陣時我已經有女朋友啦！」
兆尊的女朋友定義隨即被質疑，他亦承認當時已有兩個女朋友，並坦言在加拿大讀書時已行「孖咇」，並謂：「嗰陣時飛來猛衝嚟呢唔識擋，依家識㗎嘛。（你係三個喎？）係呀，佢哋擋嘛依家。」兆尊說行姐曾到他家為一個節目綵排，令當時的女友以為行姐要入門，要求行姐斟茶給她飲，搞到好尷尬。
兆尊又爆有日接到高層曾勵珍電話，說他「女朋友」生日叫他來行姐媽咪的食肆，他由沙田開車到銅鑼灣，行姐媽咪、家姐、姐夫、哥哥都在，他還要買份禮物去，吃了一頓飯才走。被問珍姐當時是什麼角色？兆尊直說：「媒人，好明顯係擺我上枱！」
兆尊強調從來沒緋聞沒跟任何女星拍過拖，即被家樂指當年他曾狂追傅明憲，但兆尊澄清：「冇，但有諗過。（你諗都俾人知？）因為嗰陣時諗一諗啫，就有人已經同我講：『我嘅，你唔好追啦！』」家樂遂問已認頭的人是否姓「梁」，其實眾所周知傅明憲跟梁榮忠曾拍拖4年。
兆尊和家樂重提當年港姐保母Rosa最驚他倆和洪天明，覺得這三個人一定會搞事專媾港姐，兆尊笑說：「好明顯就係洪天明啦，我哋睇歷史已經知啦，我哋兩個邊有。」
即使已公開有三位紅顏知己，兆尊仍有很多飛來蜢，會傳相片到他的社交網，最多是抖音，又會去他出現的地方、粉絲聚會等。就兆尊表示對飛來猛沒興趣，任得三位紅顏知己去擋，電話不鎖，任由她們看。家樂問不是三個跟四個，四個跟五個沒分別嘛？兆尊反問家樂練幾日波會否覺得攰？若有興趣不介意可介紹給他，並爆料說：「有一個同事已經幫我食咗好多㗎啦，食到個嘴大曬，邊個唔好講啦，你都識㗎！（係咪孖潤腸？）係呀！幫我食咗十幾個。」
問到億萬星二代的生活，美儀表示聽過去他家打麻雀四頭鮑招呼？兆尊先否認說沒有，但表示因為他不在家，才會有人來他家打牌，所以他不知道。另外他訓練有數，三個人分別打台灣牌、廣東牌不同類，否則三娘教子輸的一定是他；又三個都各自有個家，但他都試過同一日分別跟她們嗌交，最終站在十字路口無家可歸，不過最大教訓是當年同三個一齊去旅行，未試過鋪滿一牀都是包包的禮盒，為停止俾人打荷包，只此一次。
網民即謂兆尊對幾位「老婆」好好，他說要尊重女性，家樂就指兆尊不尊重行姐，他澄清：「行姐我好尊重，唔尊重食咗佢啦，我因為太尊重佢，我對一個女神咁供奉，我唔敢穢濁佢，你明唔明呢樣嘢，如果得咗佢幾容易，易如反掌。（所以有傳聞行姐個女…）唔關我事，我啲種點會生女，一定生仔啦，我又唔係天王。」但為何他沒想過傳宗接代？兆尊表示看到胞弟妹及朋友，像家樂瘦到這樣怎敢生小朋友：「減肥有個譜，睇到佢憂慮，要走出嚟踢球，避咗個老婆；走出嚟學車，避咗個老婆，咁慘算啦！」
兆尊坦言當年做電視演員，曾經因為是新馬仔的兒子獲特別待遇，就是什麼都不讓他做，只講幾句對白，或是企喺度笑；當祥嫂知道他返工沒什麼做，就致電電視台叫用盡他吧，於是爆炸、跳海戲都做盡。問到何時真的退出幕前？兆尊自爆當年不被續約被炒，唯有悄然隱退。他說：「真係冇人同你傾過，過咗《皆大》，可能激嬲咗行姐，上頭叫佢唔好傾咪冇得傾，因為嗰陣時我曾經做過件最叻嘅事，就係嗰陣時《皆大2》有少少問題出現咗，拍嗰陣時唔係好開心嘅事…對我好過份，好多人睇到，廠入面嗰啲Crew就知，睇到話『有冇搞錯，咁樣都得嘅』，我話算啦就嚟拍完。」問到是否演員跟演員之間的事，兆尊承認是人事問題，美儀與家樂即數當中演員，包括謝天華、阮兆祥，兆尊即說：「一定係女，仔唔會有呢樣嘢，總之係少少誤會啦！（係咪人哋媾你，你又唔受溝嗰啲？）係咁上下啦！（都係講緊嗰個啫？）係咁上下啦，過咗佢嘢唔好提啦，冇乜嘢，跟住我係記得last一日，last一集拍完，話要影大合照，我頭都唔回，換衫換咗就走，祥仔追出嚟搵我，叫我影埋先啦，珍姐落嚟，唔影，走！可能嗰次之後就冇影。」
