鄧小巧今日（14日）情人節推出她今年首支派台作品《白髮齊眉》，為天下間的前度與現任送上最諷刺的祝福。新歌由馮穎琪（Vicky）作曲，小巧親自填詞，講述祝福前度跟他／她的現任，祝福他們白髮齊眉、永結同心，不過一半發自內心，另一半是暗自心酸的一個祝福。小巧透露，填詞靈感來自身邊朋友，「好多二十零歲結婚嘅朋友，去到三十零歲，開始陸陸續續離婚，跟住又會開始陸續去傾到前度話題，例如前度、或者前度結咗婚、又或者唔一定係結咗婚，就算一啲普通分咗手嘅前度，踏入佢哋三十幾歲，佢哋開始結婚嘅一啲對話，好似內心都有少少唔係咁順意、或者內心都唔係有咁真心嘅祝福佢哋嘅前度。」
小巧表示這首歌是她出道以來錄音時間最短的一首歌曲，「亦都覺得係好暢快嘅一次，我諗由開始到錄完，講緊嘅係個零鐘，total錄咗兩次，所以其實都係幾順利；反而首歌係一早寫好，講緊嘅係18年尾定19年，Vicky已經寫好咗，但當時因為種種原因，冇將首歌收錄落嚟。」
今日是情人節，問到小巧如何跟老公白先生度過，她坦言毫無準備，「我嘅情人節就好似普通日子咁樣過，真㗎！因為我唔鍾意過情人節，因爲真係開心每日都係情人節！」
