相隔七年，鄭中基（Ronald）昨晚（29日）在澳門《Fragments of Wonder 鄭中基世界巡迴演唱會2023》首站，「機動娛樂」第一次做主辦，也是第一次擔任演唱會監製的Ronald說：「終於自己做監製，太多嘢想做，好多謝fans支持咗我咁多年，所以我今次將歌籌都放埋落製作，一定回饋大家！」
演唱會以《搬屋》、《想愛你》、《你的眼睛背叛我的心》和《絕口不提我愛你》開場，瞬間令歌迷聽得陶醉，但一向都會帶驚喜俾觀眾的Ronald 又點止唱歌，他說：「今次想有啲新野，諗起爺爺喺兩個小朋友細個時送左Ukulele 培育佢地音樂，我同佢地一齊唱既就係〈Some where over the rainbow〉，所以揀嚟送俾大家！」接住Ronald更首度演唱新歌〈答案〉，引來全場歡呼聲不絕！再一連串唱出《許願樹》、《八爪魚》、《救救我》、《不好笑》和《我代你哭》，聽到歌迷們都如癡如醉。當唱到《無賴》的時候，引起全場超過6千人大合唱；驚喜更一浪接一浪，Ronald首次公開演唱《我要做Model》主題曲〈Beautiful People〉 ，更以色彩繽紛的造型，讓大家回憶湧現，Ronald說：「這是黃偉文唯一寫俾我嘅歌，希望去到倫敦站可以在台上唱俾佢聽！」
是晚前來支持Ronald的除了蝦頭、Edan（呂爵安）之外，還有「機動兵工廠」6位學員周芷慧、陳昭煊、李煥林、何求、陸維德、林美圻；除此之外，Ronald在演唱會間也不忘推介，叫大家訂閱Channel及成為「自機友」，引來觀眾以「Wee」來回應已是「自機友」！最後Ronald向歌迷表露心聲：「今次搞呢個演唱會經歷咗好多嘢，一言難盡，總之一句嘢講晒：我哋做到啦！」唱出最後一首歌前，他笑言：「今次演唱會係帶出要積極面對人生，要開開心心唔『賣慘』！我係《My Only One》！」