鄭伊健昨晚（25日）於紅館舉行的「HERE & NOW鄭伊健演唱會2022」第七場演出，全場氣氛特別高漲，《友情歲月》、《極速》和《全城效應》等快歌，劉偉強導演、蔡卓妍、MIRROR成員AK、Lokman、Alton、Tiger與全場觀眾都起身跳舞，阿Sa揮動燈牌不停尖叫，非常落力；劉導演則用手機為他們拍下興𡚒跳舞的片段。當伊健與黃淑蔓、雲浩影等合唱《一對對》時，他拿出手機亮着電筒，觀眾一呼百應，整個場館變作一片燈海，非常壯觀。
伊健在每晚的Encore環節都會給觀眾驚喜，昨晚他便大唱日文歌。當唱完《自動勝利Let’s Fight》和《遇怪魔我識得變大個》後，他對觀眾說：「今日個騷完咗，你哋可以走，亦可以留低睇我表演。咁我表演咩？其實我唔係人類，我係會變身。」然後他一邊做出「幪面超人」變身動作，一邊唸出日語口訣，還唱日語版《幪面超人》主題曲，又跳高又踢腿，手舞足蹈，全場爆笑，「你哋唔好以為我做騷做到傻咗，因為我有個前輩級嘅日本朋友，山長水遠嚟我演唱會，我又唔識其他日文歌，淨係識呢首，希望有人為我翻譯俾佢聽。」
之後，他唱出《內傷》，並說：「有位朋友每次嚟睇我演唱會都指定要我唱呢首歌，希望你鍾意。」原來這人就是觀眾席上的阿Sa，上次伊健紅館演唱會時專屬點唱，送了這首歌給她，非常窩心。最後伊健以勵志快歌《打開你未來》和《Stronger》為演唱會完美落幕。
