鄭俊弘(Fred)與何雁詩(Stephanie)元旦宣布結婚,將於今年共偕連理。二人早前到無綫娛樂新聞台節目《StarTalk》擔任嘉賓,大談宣布訂婚的感受。
Fred表示希望給一個美好的回憶予Stephanie和自己,因此決定旅行時求婚,他直言求婚時感到非常緊張,「求婚仲緊張過自己第一次開演唱會,我成個人震曬同硬曬!而最初亦好擔心過關時如果Check行李,俾Step見到隻戒指就穿煲,好彩順利過關。」
Stephanie表示為Fred學煮中餐,「以前我煮西餐多,因為知Fred鍾意食中餐,所以特登研究。另外我哋兩個都好鍾意食越南河粉,我哋去美國可以餐餐食越南河粉,所以返到香港去硏究點整個湯底,希望可以食返嗰啲味道,我哋誇張到一早七點去街市買牛骨同牛腩。」
二人透露會於年尾赴美加地區酒莊舉行婚禮,他們說:「一切從簡,唔會好多圍數,同想家人朋友分享,我哋好怕婚禮要表演同唱歌,想好好享受我哋嘅大日子,而唔係要搞到好攰,唔想去應酬邊個應酬嗰個。」
部分圖片來源:何雁詩@Instagram