即將在紅館舉行演唱會的鄭欣宜（Joyce），個唱主題曲《Believe Us》亦宣布面世。今次的新歌，Joyce邀請了好友藍奕邦作曲兼填詞，Joyce說：「今次俾咗個任務藍奕邦幫我寫歌，我哋摸住酒杯，傾咗幾個晚上，我同佢分享咗自己對感情上嘅諗法，希望放喺歌入面，而唔想講出口。」
拍攝MV當日，現場有兩個Joyce，一個是扮Joyce的石像，另一個是扮石像的Joyce，Joyce說：「我最初見到石像，佢個身型同我身型有少少差別，我上圍無佢咁勁喎，所以麻煩美術組工作人員，幫個石像做咗個小手術，大家都笑咗好耐！」
由於MV故事中，Joyce由石像變真人，當中演變過程，需要在她臉上塗不同程度特技化妝，仿灰泥的化妝品很容易變乾剝落，為保持最佳狀態，Joyce上妝後不能說話，甚至不能有任何表情，她只可以用眼神跟工作人員溝通。化妝師就爭取時間，趁導演一喊停機即補上濕濕灰泥。當MV大功告成後，解禁後的Joyce立即開懷地笑，更與MV導演張蚊、男主角張文傑和石像合照留念。
演唱會舉行在即，Joyce揚言目前是最享受的階段，她說：「距離踏上紅館仲有兩個星期，亦係進入我最enjoy嘅階段，每日都做我最鍾意做嘅事，就係唱歌跳舞，而且同一班意向一致嘅人一齊做，感到好有力量和充滿愛，所以我非常期待上台，將呢三場演唱會送俾我嘅Joystick（Joyce的歌迷暱稱）！」