天文台近日來發出酷熱天氣警告，作為「打工仔」穿著短衫出外已經熱到飊汗，更可況演員要在高溫天氣下穿古裝拍劇。
江嘉敏近日為新劇《黃金萬両》進行拍攝，昨天（21日）她在社交網上載了於高溫天氣下拍攝劇集的照片，她寫道︰「開咁多日工，酷熱天氣警告就掛足咁多日，話就話35℃，著埋套衫應該有40℃！」她表示感受到什麼叫「起死回生」：「中暑嗰種頭痛頭暈抖唔到氣，就嚟嘔嘅難受，真係搵唔到詞語去形容！」
雖然嘉敏表示辛苦得頭痛和頭暈，幸好同劇的演員和工作人員都十分照顧她，她寫道︰「多謝晒服裝阿善嗱嗱聲幫我除哂啲衫比我抖吓氣，多謝兩個阿嫂幫我吹風扇又做埋我嘅人肉拐杖。多謝漪娸姐見我赤腳時拎返對鞋比我。多謝奶奶家燕姐請食雪糕，仲要多謝家燕姐嘅『私家護士』Macy瘋狂幫我抹身同埋搽油按穴位，梗係要多謝埋啲老公咁鬼捱得，著住套咁厚嘅衫又爬又跳都冇暈低，等我可以抖多陣！好叻啊你哋！」
最後她表示台前幕後都是一個好有愛的大家庭：「希望到時大家會感受到我哋嘅熱情，欣賞我哋嘅努力啦。」
相片來源：江嘉敏@Instagram