周潤發（發哥）熱衷運動，經常帶隊跑山、行山，發哥因而不少被市民「野生捕獲」要求selfie，近日有山友因被指阻着發哥跑步，而令發哥不耐煩，不過亦有人稱親民的發哥一直來者不拒，「發哥同人影相一定係佢揸機」。
而洪永城今日亦喜遇獲發哥，以及黃日華（華哥），他難掩喜悅之情，「其實野生捕獲咗咁多年，今日終於到我喇，仲要打孖嚟㖭。原來當一個巨星同前輩主動同你講影張相吖，世界係會停幾秒，之後你再睇睇前面，係周潤發同黃日華呀，唔好失禮人呀，笑呀。#發哥仲記得我喺紐西蘭讀書，仲問我嗰度係咪仲係好多羊；華哥永遠都係咁溫暖真誠，永遠最好的喬峰天龍八部，仲請我坐低食碗糖水，邊飲邊手顫。」
圖片來源：洪永城、周家怡@Instagram