由郭偉亮（Eric Kwok）、師兄劉浩龍、布樂文、胡美貽（Nicole）同陳若思（Amber）主持的《鋪鋪 Poker》，今晚（25日)一集請來周汶錡（Kathy）擔任嘉賓。
女神降臨，男仕們都表現醒神，師兄開場時已表明「唔敢望過去」，他說︰「女神，好正囉，有 sex appeal 。」他又笑言擔心一陣不懂玩牌，同時拉 Kathy妹妹周勵淇（Niki）落水︰「佢個妹（Niki）同 Kathy 唔似，Niki冇咁 elegant，不過玩得。」身旁的 Kathy 笑笑口，拍拍師兄膊頭話︰「你大件事啦，咁樣講嘢，小心喎。」
Eric Kwok提到一段與 Kathy的往事，話說多年前他以二人組合 Swing身份，出席Kathy有份參加的活動。他在出場前默默祈盼，可以跟女神一起行 catwalk 出場，最後美夢成真，還可以翹住手出場，他說︰「你一定唔記得，只有我會記得。」在座各人即時起哄，師兄不禁笑說︰「翹住行咪高你一個頭？」難得 Eric Kwok完全不介意，還自嘲全程要抬高頭才望到 Kathy。
Kathy在節目中有問必答，大方分享最蝦碌事件︰「好大鑊㗎，成個跣低喺台囉，鞋都唔知甩咗去邊。係成個人向後仆，四腳朝天。係好尷尬，個場要做飄雪效果，搞到地下好跣。連埋嚟扶我嘅工作人員都跣低。」師兄提到有趟行 catwalk的經驗，令他「眼界大開」，模特兒在後台都是一絲不掛，Kathy表示︰「係咁㗎，邊有時間理呀，個個都 9秒9換衫‥‥‥你喺度周圍望呀？」卻換來師兄神級回應‥‥‥
