由郭偉亮（Eric）、師兄劉浩龍、陳欣茵（Sonya）、陳若思（Amber）及布樂文（JB）主持的 J2節目《鋪鋪Poker》，今晚（18日）的嘉賓繼續是楊千嬅。
楊千嬅於今集依然笑聲不斷，賭局變成清談節目，話題講到千嬅老公丁子高身上，他在圈中素有「遊戲大王」之稱，Sonya就問到會不會跟老公同枱玩poker，千嬅斬釘截鐵說不會：「係就真係大鑊，會變成『倫理』問題，真係大件事嗰啲，佢（丁子高）一係話『做咩呀，你仲去』或者『你唔係呀，你大我呀』。」絕對是一個兩難局面，身旁的師兄似乎感同身受，語重心長回了句︰「我完全諗到個畫面。」
千嬅之後軼又講到幫囝囝報學校的軼事，面試當日被外籍面試考官用google搜尋自己，她笑說︰「我見到佢喺我面前google我，因為佢副眼鏡反光睇到。跟住即刻針對我問『你可以俾到幾多時間陪小朋友學習』，我就答係可以隨時隨地，因為佢（囝囝）係我first priority（首選）。」最後兒子便成功入讀。
千嬅又爆囝囝最叻在自己同老公面前扮細路，她笑說︰「點樣識穿？因為見到佢同其他小朋友玩嘅時候，啲樣唔係平時嗰啲樣。當你發現小朋友喺爸爸媽媽面前質低自己扮細路，就知道佢已經唔係細路。」千嬅同時又發現兒子另一秘密，就是聽自己的舊歌︰「聽到佢喺房聽我首舊歌《河童》（2001年作品），佢話學中文喎。唔知點解佢識聽。」
