下嫁脊醫老公後，鍾嘉欣先後誕下大女Kelly和二仔Jared，今年再懷第三胎，早前亦公開了肚裏佗着的是位小千金。日前嘉欣在社交網站開直播，大談近況和湊仔經，更自言現在心情緊張：「可能第一胎什麼都唔識，好勇敢，反而第三胎有少少緊張，而Kelly同Jared非常興奮，兩個小朋友討論緊邊個幫妹妹換片，邊個負責餵奶，邊個來幫我，他們好期待同妹妹玩。我都好期待一家五口的生活，冇諗過咁快由一家四口變成五口，要重新適應新成員加入。」
鍾嘉欣又透露第三胎跟以往一樣都是選擇順產、在家中自然分娩，而她亦宣布生完第三胎後「封肚」，故此今次懷孕她特別影了家庭照留念。另外她又指最近每日要做的事情都排到密密麻麻，十分忙碌，一邊廂要為新成員準備所需用品，另一邊廂又要安排Kelly和Jared上學所需：「基本上已經準備好BB需要的用品，每一日真的好忙碌，都會好攰好攰，但是一切都是值得的。」鍾嘉欣又表示今次直播之後，她會專心照顧三名子女，因為要照顧兩個小朋友已經不易，要照顧三個小朋友，對她來說是新挑戰，預計「生命又再翻轉一次」，所以要過一段時間後才再跟大家見面。
