六場的《徐小鳳金光燦爛演唱會2018》今晚在紅館開鑼，過萬的觀眾期待小鳳姐出場，一開始，穿了閃閃生輝宮廷裝的小鳳姐，在舞台升起，令人眼前一亮的，當然是闊十呎的大傘裙，小鳳姐在一班小學生的管弦樂團伴奏下，唱着《漫漫前路》。
一首歌唱完，小鳳姐當然要同大家打聲招呼，現場觀眾大大聲聲讚佢：「好靚！」小鳳姐風趣回應：「我靚過舊……」大家已經笑一餐，小姐又再發揮她的幽默本色，「我知我靚，我靚到有時唔敢照鏡添，驚靚爆鏡！」小鳳姐多謝大家入場來看她的演唱會，「每次開演唱會，我都好緊張，心情好激動，因為我游水游咗好長時間，先游到埋嚟大家身邊！」語畢，小鳳姐叫樂隊起音樂，然後唱出第二首歌《深秋立樓頭》。