鍾嘉欣（Linda）離開無綫已有三年多，今次回港就忙個不停，除咗拍廣告、以及商演外，亦有約李亞男、岑麗香、苟芸慧同王君馨等好姊妹聚舊，早前Linda仲應汪明荃（阿姐）邀請參與《娛樂大家》。
無綫綜藝節目《娛樂大家》每集都會邀請唔同嘉賓參與比賽，以及分享特定主題。最新一集，節目邀得《鐵探》一班演員包括袁偉豪、許紹雄、梁競徽及楊潮凱作嘉賓，當中更請到久未於幕前露面嘅嘉欣BB。
節目中，嘉賓齊齊玩「Cheat Chat」遊戲，若參賽者講中頭上指令卡嘅字眼，就要接受懲罰。眾人頻頻為Linda設下陷阱，但精靈嘅嘉欣多次迴避問題，更巧妙地令對方出錯，相當厲害！
圖片來源：鍾嘉欣@Instagram、myTV SUPER