關宛珊（Kimmy）今年4月為林溥來（Patrick Sir）誕下兒子林若嘉（Preemo），昨日（04/10）是Kimmy的36歲生日，原本一家三口外出用膳慶祝，卻一波三折！Kimmy感覺當媽媽後的生日與以前截然不同，她說：「想像總是美好的，安排好節目俾自己，本想好好打扮一下，點知連乳腺炎都嚟賀我牛一，痛過生仔，半夜發燒，起身即刻搵醫生，趕頭趕命甩頭甩髻，本來想去嘅餐廳原來晚餐時段唔俾Kids入，終於安頓好，安樂食個海南雞飯，許個願，聊聊天，Preemo小睡，心滿意足。」
突然其來的變化幾乎令Kimmy措手不及，Patrick在facebook向老婆送祝福，同時安慰她，「Happy birthday to my sweetest & prettiest wife!你今年生日收到最大最好嘅禮物，就係由一個靚仔陪你過，變成兩個！簡直係左右逢源呀！噢‥‥‥講錯咗，應該係三個至真，屋企仲有一隻毛孩靚仔等緊同你慶祝喔！你真係好幸福呀，就祝你永遠都keep住幸福啦。」Patrick Sir將老婆的海南雞飯插上蠟燭，當作生日蛋糕，並以獨一無二來形容，非常特別；當Kimmy許願時，Patrick Sir獻唱生日歌，Preemo好奇地看着爸爸，表情趣怪，Patrick Sir笑言：「BB仔，睇嚟Mamimi有好多願望喎，唔知佢嘅birthday wish list 上面，有幾多個願望同我哋有關嘅呢？」
圖片來源：Patrick Sir、關宛珊@Instagram