關心妍近日為下星期在紅館舉行的《妍亮慈善福音演唱會》練歌，她更與囡囡心心現身Band房綵排。 Jade狀態大好，當囡囡綵排完更不捨攬住媽咪，反問：「聽朝會唔會見到你？」非常溫馨！
Jade表示囡囡表演項目有「眉目」，但未落實是否會亮相紅館，「佢呢排話學校跳遠成績唔錯，但係紅館點俾佢跳真係未諗到！其實佢都好希望再上台唱歌，希望到時佢唔會唱到唔捨得走啦！」
個唱舉行在即，Jade坦言壓力爆煲，更連續多晚失眠，「其實我本身係一個睡寶寶嚟嘅，但愈近騷期我就愈緊張，仲有時會瞓唔到添，因為我哋一個人做緊十樣嘢，老公依家係分飛專員，見到佢枱面幾千張飛真係頭都暈，完騷要煮餐好嘅比佢食！」