關心妍（Jade）最近忙於教唱歌、拍網上節目、準備明年的紅館演唱會，還有拍攝代言廣告，她在廣告中要露背又露腰，身形保持得很好，接拍前也先向老公報告，得到批准後才向大家展現健康小性感，她說：「因為講美容及瘦身，要show少少身材，咁我都要尊重番老公嘅，就第一個問咗佢先囉，佢睇過啲衫，覺得都ok，我先接囉。」囡囡楊榮心見到媽媽的廣告照片，興奮得嘩嘩聲，大讚媽媽似公主，Jade說：「個女已經識貪靚㗎啦，見到我著衫，都會話我又想試，成日著我啲高跟鞋，話留俾佢大個著呀咁，好搞笑。」
Jade生完囡囡後，為了繼續保持2字頭的纖腰，形容過程是艱苦經營，除了在飲食方面節制，還會勤做運動和靠美容儀器幫助，有感而發：「做女人想靚，真心係冇得懶㗎。」提到老公最欣賞她哪個部位，她笑言老公最喜歡嘴巴，因為嘴尖尖似貓，還有是下巴像蝦餃，「所以我keep住自己個嘴好潤囉，佢成日錫我個嘴嘛。」
Jade認為除了保持身形苗條，心景同樣重要，要注意情緒，多做一些喜樂指數高的事，因為時常教學生，接觸的都是一班年青人，令她的心景都重返二十歲，「我有時都覺得自己愈來愈年輕。」
部分圖片來源：關心妍@Instagram