龔嘉欣、蔚雨芯、阮浩棕及吳子冲今日為《靈戲逼人》進行結局篇宣傳，可惜張振朗因病未能出席；劇集開播以來收視高企，上周更錄得七天誇平台最高收視23. 3，連續兩周成為黃金時段節目收視冠軍。
活動玩遊戲中，阮浩棕最有豔褔，分別被安排與吳子冲嘴對嘴親熱，及親吻龔嘉欣面額，阮浩棕表示：「太突然，無諗過咁激，拍戲都話有劇本，預早知，好彩嘉欣話錫面，令大家無咁尷尬，反而同子冲錫嘴就好震撼！第一次錫男仔，咩都唔諗，合埋眼撞埋去就算！」
有指年底約滿無綫的蔚雨芯（Rainky）一直採取「拖」字訣，遲遲還未傾續約一事，她說：「仲有幾個月先約滿，我都想拍更多劇，都想同公司傾有咩長遠發展，唔會停止演藝事業，因為tvb大平台一直陪伴我成長，自己想喺呢個平台有更長遠發展，但始終都係相輔相成，可能很多藝人覺得酬勞很緊要，但我比較珍惜角色上嘅發揮及出鏡的機會。」其實每個藝人在工作上都有條底線，蔚雨芯只是想多些機會啫！