阿Bob玩水上飄即沉底

有阿Bob林盛斌在場，又點會無笑料，佢早前同楊潮凱、翟威廉及何浩文等去咗惠州拍攝綜藝節目《大玩特玩》夏日版，連日嚟一班型男索女大玩水上活動，沒有女仔在場，眼睛無得食冰淇淋消暑，咁成班麻甩佬唯有靠自己諗計，最佳方法梗係跳落泳池，但佢地又覺得齊齊跳落水無咩癮，倒不如就玩水上飄。

講到水上飄的功架，眾人之中楊潮凱都叫交足戲，雙腳不停郁，都叫走了幾步，相反壓軸的阿Bob，以佢豐厚的身型當然同飄跟本扯唔上關係，唔使百分之一秒就趺落水沉底，令全場人笑爆肚。